യുഎസ് വിസ അപേക്ഷകർ അഞ്ചുവർഷത്തെ തങ്ങളുടെ സോഷ്യൽ മീഡിയ ഉപയോഗ വിവരങ്ങൾ വെളിപ്പെടുത്തണം
എല്ലാ വിദ്യാർഥി വിസ അപേക്ഷകരോടും അവർ ഉപയോഗിക്കുന്ന എല്ലാ സമൂഹ മാധ്യമ അക്കൗണ്ടുകളും യൂസർ നെയിമുകളും വെളിപ്പെടുത്തണമെന്ന് ഇന്ത്യയിലെ യു.എസ് എംബസി വ്യക്തമാക്കി. കഴിഞ്ഞ അഞ്ച് വർഷമായി അപേക്ഷകർ ഉപയോഗിച്ചുവരുന്ന പ്ലാറ്റ്ഫോമുകളും യൂസർനെയിമുകളുമാണ് ഡി.എസ് 160 ഫോമിൽ വെളിപ്പെടുത്തേണ്ടത്. ഇപ്രകാരം ചെയ്യാതിരിക്കുന്നത് വിസ നിഷേധിക്കുന്നതിന് കാരണമാകുമെന്നും എംബസി അറിയിച്ചു. അതോടൊപ്പം വിസ അപേക്ഷയിലെ വിവരങ്ങൾ സത്യമാണെന്നും സാക്ഷ്യപ്പെടുത്തണമെന്നും. എംബസി എക്സിലൂടെ അറിയിച്ചു.
വിദ്യാർത്ഥി, എക്സ്ചേഞ്ച് വിസിറ്റർ വിസ അപേക്ഷകർ (F, M, J വിഭാഗങ്ങൾ) വിസ വെറ്റിംഗ് പ്രക്രിയയുടെ ഭാഗമായി അവരുടെ സോഷ്യൽ മീഡിയ അക്കൗണ്ടുകൾ പരസ്യമാക്കണമെന്ന് ആവശ്യപ്പെട്ടുകൊണ്ട് യുഎസ് ഗവൺമെന്റ് ഒരു സുപ്രധാന നയ മാറ്റം പ്രഖ്യാപിച്ചു. കോൺസുലാർ ഓഫീസർമാർക്ക് സോഷ്യൽ മീഡിയ പ്ലാറ്റ്ഫോമുകൾ ഉൾപ്പെടെയുള്ള അപേക്ഷകരുടെ ഓൺലൈൻ സാന്നിധ്യം സമഗ്രമായി അവലോകനം ചെയ്ത് അവരുടെ ഐഡന്റിറ്റിയും യുണൈറ്റഡ് സ്റ്റേറ്റ്സിലേക്കുള്ള പ്രവേശനക്ഷമതയും വിലയിരുത്താൻ അനുവദിക്കുന്നതിലൂടെ ദേശീയ സുരക്ഷാ സ്ക്രീനിംഗ് മെച്ചപ്പെടുത്തുന്നതിനാണ് ഈ നയം ഉദ്ദേശിക്കുന്നത്
തിങ്കളാഴ്ച യു.എസ് സ്റ്റേറ്റ് ഡിപ്പാർട്ട്മെന്റ് വിദ്യാർഥി വിസ അപേക്ഷകൾ പരിഗണിക്കുന്നത് പുനരാരംഭിച്ചതിന് ശേഷം പരിശോധനക്കായി എല്ലാ വിദ്യാർഥി വിസ അപേക്ഷകരോടും അവരുടെ സോഷ്യൽ മീഡിയ അക്കൗണ്ടുകൾ പരസ്യമാക്കാൻ യു.എസ് എംബസി ആവശ്യപ്പെട്ടു.
