പ്രൊഫ. എം.കെ. സാനു (ജീവിതരേഖ)
അധ്യാപകൻ, വാഗ്മി, എഴുത്തുകാരൻ, ചിന്തകൻ എന്നീ നിലകളില് പ്രശസ്തനായിരുന്നു സാനു മാഷ് എന്ന് വിദ്യാര്ത്ഥികളും സാഹിത്യ സ്നേഹികളായ മലയാളികളും വാത്സല്യപൂര്വം വിളിച്ചിരുന്ന പ്രൊഫ. എം.കെ. സാനു.
2025 ആഗസ്റ്റ് 02 വൈകിട്ട് 5:30ന് എറണാകുളം അമൃതാ ഹോസ്പിറ്റലിൽ വച്ചായിരുന്നു സാനുമാഷിന്റെ അന്ത്യം. അദ്ദേഹത്തിന് 98 വയസ് പ്രായമായിരുന്നു.
1926 ഒക്ടോബർ 27ന് ആലപ്പുഴയിലെ തുമ്പോളിയിൽ ജനിച്ചു. അതീവ സമ്പന്നമായ കൂട്ടുകുടുംബത്തിൽ ജനിച്ച എം.കെ. സാനു, അകാലത്തിൽ അച്ഛൻ മരിച്ചതോടെ ദാരിദ്ര്യത്തിന്റെയും നിസ്സഹായതയുടെയും നിഴലിലായി. അതിന്റെ കയ്പുനീർ കുടിച്ചാണ് യൗവനം പിന്നട്ടത്.
നാലു വർഷത്തോളം സ്കൂളിലും പിന്നീട് വിവിധ ഗവണ്മെന്റ് കോളേജുകളിലും അദ്ധ്യാപകവൃത്തിയിലേർപ്പെട്ടു. 1958ൽ അഞ്ചു ശാസ്ത്ര നായകന്മാർ എന്ന ആദ്യഗ്രന്ഥം പ്രസിദ്ധീകരിച്ചു. 1960ൽ വിമർശനഗ്രന്ഥമായ കാറ്റും വെളിച്ചവും പുറത്തിറങ്ങി. 1983ൽ അദ്ധ്യാപനത്തിൽ നിന്ന് വിരമിച്ചു. സ്ഥാപകാധ്യക്ഷനായിരുന്ന മഹാകവി വൈലോപ്പിള്ളിയെ തുടർന്ന് 1986ൽ പുരോഗമന സാഹിത്യസംഘം പ്രസിഡണ്ടായി. കോൺഗ്രസ് നേതാവ് എ എൽ ജേക്കബിനെ പരാജയപ്പെടുത്തി 1987ൽ എറണാകുളം നിയമസഭാ മണ്ഡലത്തിൽ നിന്നും ഇടതുപക്ഷ സ്വതന്ത്രസ്ഥാനാർത്ഥിയായി മത്സരിച്ച് വിജയിച്ചു.
വിമർശനം, വ്യാഖ്യാനം, ബാലസാഹിത്യം, ജീവചരിത്രം തുടങ്ങി വിവിധ സാഹിത്യശാഖകളിലായി നാല്പതോളം കൃതികളുടെ കർത്താവാണ് എം.കെ. സാനു. കർമഗതി എന്നാണ് ആത്മകഥയുടെ പേര്.
കൃതികൾ
പ്രഭാതദർശനം
സഹോദരൻ കെ അയ്യപ്പൻ
മലയാള സാഹിത്യ നായകന്മാർ – കുമാരനാശാൻ
ഇവർ ലോകത്തെ സ്നേഹിച്ചവർ
എം. ഗോവിന്ദൻ
അശാന്തിയിൽ നിന്ന് ശാന്തിയിലേക്ക് – ആശാൻ പഠനത്തിന് ഒരു മുഖവുര
മൃത്യുഞ്ജയം കാവ്യജീവിതം
ചങ്ങമ്പുഴ കൃഷ്ണപിള്ള: നക്ഷത്രങ്ങളുടെ സ്നേഹഭാജനം (ജീവചരിത്രം)
യുക്തിവാദി എം.സി. ജോസഫ് (ജീവചരിത്രം)
ബഷീർ: ഏകാന്തവീഥിയിലെ അവധൂതൻ (ജീവചരിത്രം)
അസ്തമിക്കാത്ത വെളിച്ചം (ആൽബർട്ട് ഷ്വൈറ്റ്സറുടെ ജീവചരിത്രം)
ഉറങ്ങാത്ത മനീഷി (പി.കെ. ബാലകൃഷ്ണന്റെ ജീവചരിത്രം)
കുമാരനാശാൻ്റെ നളിനി – വിശുദ്ധാനുരാഗത്തിൽ തെളിയുന്ന ദിവ്യദീപ്തി
മോഹൻലാൽ – അഭിനയ കലയിലെ ഇതിഹാസം
നാരായണ ഗുരുസ്വാമി
അയ്യപ്പപ്പണിക്കരും അയ്യപ്പപ്പണിക്കരും
പുരസ്കാരങ്ങൾ
കേരള സാഹിത്യ അക്കാദമി പുരസ്കാരം(1985) – അവധാരണം
വയലാർ അവാർഡ്(1992) – ചങ്ങമ്പുഴ കൃഷ്ണപിള്ള: നക്ഷത്രങ്ങളുടെ സ്നേഹഭാജനം
കേരള സാഹിത്യ അക്കാദമിയുടെ സമഗ്രസംഭാവനക്കുള്ള പുരസ്കാരം(2002)
പത്മപ്രഭാ പുരസ്കാരം(2011)
എൻ.കെ. ശേഖർ പുരസ്കാരം(2011)
കേന്ദ്ര സാഹിത്യ അക്കാദമി പുരസ്കാരം(2011) – ബഷീർ: ഏകാന്തവീഥിയിലെ അവധൂതൻ
കേരള സംസ്ഥാന ബാലസാഹിത്യ ഇൻസ്റ്റിറ്റ്യൂട്ടിന്റെ പുരസ്കാരം – 2010
എഴുത്തച്ഛൻ പുരസ്കാരം (2013)
M. K. Sanu
M. K. Sanu (born 27 October 1928) is a Malayali writer, critic, retired professor, biographer, journalist, orator, social activist, and human rights activist. He has authored over thirty-six books. He is a permanent member of the International Body for Human Rights, as well as the founding member of the Mithram, a school for the mentally handicapped, in Mulanthuruthy, Ernakulam District, Kerala. He was a member of the award selection committee of the Vayalar Rama Varma Literary Award; however, he resigned in September 2019. In 2011, he won the Padmaprabha Literary Award.
