അത്ലറ്റിക് ട്രാക്കിന്റെ ലോകത്തിൽ സ്വന്തമായോരിടം നേടിയ വനിതയാണ് സുശാന്തിക ജയസിംഹ. ശ്രീലങ്കയിലെ ചെറു ഗ്രാമത്തിൽ നിന്നും ഒളിമ്പിക്സ് ചരിത്രങ്ങളിലിടം നേടിയ ഈ പെൺകുട്ടി സ്ത്രീശക്തിയുടെ മായാത്ത പ്രതീകമാണ്.
ശ്രീലങ്കയിലെ ബലാംബട്ടേയിലെ ഒരു കുഗ്രാമത്തിലാണ് സുശാന്തിക ജനിച്ചത്. കുട്ടിക്കാലം മുതലേ കുറഞ്ഞ സമയം കൊണ്ട് കൂടുതൽ ദൂരം പിന്നിട്ട് കണ്ടു നിൽക്കുന്നവരെ അതിശയിപ്പിക്കുന്ന വിധത്തിൽ അവൾ ഓട്ടത്തിൽ പ്രാവീണ്യം തെളിയിച്ചിരുന്നു. വെറും കായിക കഴിവിനെക്കാളപ്പുറം തളരാത്ത മനക്കരുത്തും പോരാട്ടവീര്യവുമാണ് അവളുടെ പാദങ്ങളെ ഗ്രാമപാതയിൽ നിന്നും ഒളിമ്പിക്സ് ട്രാക്കിലേക്കെത്തിച്ചത്.
1997 ലെ ആഥൻസ് ലോകചാമ്പ്യൻഷിപ്പിൽ നേടിയ വെള്ളി മെഡലിലൂടെയാണ് സുശാന്തിക ആദ്യമായി ലോകശ്രദ്ധ പിടിച്ചു പറ്റുന്നത്. പിന്നീട് 2000ലെ സിഡ്‌നി ഒളിമ്പിക്സിൽ ലഭിച്ച 200 മീറ്ററിലെ വെള്ളി മെഡലിലൂടെ സുശാന്തിക ശ്രീലങ്കയുടെ ചരിത്രത്തിൽ രണ്ടാമത്തെ ഒളിമ്പിക് മെഡൽ ജേതാവായി.
എന്നാൽ വിജയങ്ങളിൽ നിന്നും വിജയങ്ങളിലേക്കുള്ള സുശാന്തികയുടെ യാത്ര തീർത്തും എളുപ്പമുള്ളതായിരുന്നില്ല. എങ്കിലും വിവാദങ്ങളും വിമർശനങ്ങളും നിറഞ്ഞ ജീവിതട്രാക്കിലൂടെ ആത്മബലത്തെ മുറുകെ പിടിച്ച് പ്രതിസന്ധികളെ തരണം ചെയ്തു കൊണ്ട് ഓടാൻ അവർക്ക് സാധിച്ചു.
“സ്ത്രീകൾക്കും തങ്ങളുടെ ഏത് സ്വപ്‌നവും സാക്ഷാത്കരിക്കാം ” എന്ന സന്ദേശം ലോകമൊട്ടാകെ പ്രചരിപ്പിച്ചു കൊണ്ട് അവൾ ഒളിമ്പിക്സ് വേദിയിൽ അവളുടെ രാജ്യപതാകയും പുതച്ച് ലോകത്തിനു മുന്നിൽ അഭിമാനത്തോടെ നിന്നു.
ശ്രീലങ്കയിലെ എന്നല്ല, ലോകത്തിലെ തന്നെ യുവതികൾക്ക് മികച്ച മാതൃകയും പ്രചോദനവുമാണ് ഇന്ന് സുശാന്തിക ജയസിംഹ. ഒരു സ്ത്രീയുടെ ധൈര്യത്തിനും മനഃശക്തിക്കും എത്ര ദൂരത്തോളം അവളെ കൊണ്ടുചെന്നെത്തിക്കാൻ എന്നതിന് ഒരു മികച്ച ഉദാഹരണമാണ് അവർ.
