സൗത്ത് ഫ്ലോറിഡയിലെ സെൻ്റ് മേരീസ് യാക്കോബായ ദേവാലയത്തിൽ എട്ടു നോമ്പ് ഈ വർഷം ഓഗസ്റ്റ് 31മുതൽ സെപ്റ്റംബർ 7 വരെ വളരേ ഭക്തിയോടും പ്രാർത്ഥനയോടും കൂടി ആചരിക്കുകയാണ്. എല്ലാ ദിവസവും വൈകീട്ട് ആറ് മണിക്ക് സന്ധ്യ പ്രോർത്ഥനയും തുടർന്ന്മധ്യസ്ഥ പ്രാർത്ഥനയും കൺവെൻഷൻ പ്രസംഗവും ഉണ്ടായിരിക്കും. അവസാന പെരുന്നാൾ ദിവസം സെപ്റ്റംബർ 7ന് ഞായറാഴ്ച വൈകീട്ട് 5: 30 ന് വിശുദ്ധമൂന്നുമേൽ കുർബാനയും റാസയും നേർച്ച വിളക്കോട് കൂടി പെരുനാൾ സമാപിക്കും. ഈ വർഷത്തെ എട്ടുനോമ്പിൽ സമീപ ഇടവകളായ സെൻ്റ് മേരീസ് ക്നാനായ ഇടവകയും സെൻ്റ് മേരീസ് മലങ്കര കത്തോലിക്കാ ഇടവകയും സഹകരണത്തോട് കൂടിയാണ് നടത്തപ്പെടുന്നത്. പരിശുദ്ധ മാതാവിൻ്റെ മധ്യസ്ഥതയിൽ അഭയപ്പെടാൻ എല്ലാവരെയും സ്വാഗതം ചെയ്യുന്നു.
