വേൾഡ് മലയാളി കൗൺസിൽ ‘റിഥമിക 2023’ ഒരുക്കങ്ങൾ പൂർത്തിയായി 

വേൾഡ് മലയാളി കൗൺസിൽ ‘റിഥമിക 2023′ ഒരുക്കങ്ങൾ പൂർത്തിയായി 

സന്തോഷ് എബ്രഹാം

ഫിലഡെൽഫിയ – വേൾഡ് മലയാളി കൗണ്‍സില്‍ പെൻസിൽവേനിയ  പ്രൊവിൻസിന്‍റെ ആഭിമുഖ്യത്തിൽ നടക്കുന്ന റിഥമിക 23ന്‍റെ  ഒരുക്കങ്ങൾ പൂര്‍ത്തിയായതായി സംഘാടകർ അറിയിച്ചു. ഡാൻസ്,സ്റ്റാൻഡ് അപ്പ് കോമഡി, ലൈവ് വാദ്യമേളങ്ങളുടെ അകമ്പടിയോടെയുള്ള ഗാനമേള  എന്നിവ      റിഥമിക 23 യുടെ  പ്രത്യേകതകൾ ആണ്. ചെയർ പേഴ്സൺ സിനുനായർ,  പ്രസിഡണ്ട് റെനി ജോസഫ്, സെക്രട്ടറി ഡോക്ടർ ബിനു ഷാജിമോൻ,          ട്രഷറർ ഡോക്ടർ ആനി  എബ്രഹാം, കൺവീനർ അർഷിദ ശ്രീജിത്ത്,        സോയ നായർ എന്നിവരുടെ നേതൃത്വത്തിലുള്ള വിപുലമായ കമ്മിറ്റി ക്രമീകരണങ്ങൾക്ക് ചുക്കാൻ പിടിക്കുന്നു. ഫിലഡൽഫിയയിലും   പരിസരപ്രദേശങ്ങളിലുമുള്ള  വ്യവസായ പ്രമുഖരുടെ അകമഴിഞ്ഞ സഹായം ഈ പ്രോഗ്രാമിന് ലഭിക്കുന്നതായി പ്രസിഡണ്ട്  റെനേ ജോസഫും  ചെയർ പേഴ്സൺ സിനു നായരും  വാർത്താസമ്മേളനത്തിൽ  അറിയിച്ചു.  അവരോടുള്ള പ്രത്യേകം നന്ദി  പ്രസിഡണ്ട് തദവസരത്തിൽ അറിയിച്ചു. പ്രോഗ്രാമിന് ഒരാഴ്ച മുമ്പുതന്നെ ഒരുക്കങ്ങൾ  പൂർത്തിയായി എന്നതും പൊതുസമ്മേളനം  ഇല്ല എന്നതും റിഥമിക 23 യുടെ  മാത്രം പ്രത്യേകതയാണ് എന്ന് കണ്‍വീനര്‍  അർഷിദ ശ്രീജിത്തും, സോയ നായരും വാർത്താസമ്മേളനത്തിൽ അറിയിച്ചു.    50 ഡോളറിന്‍റെ         വി. ഐ. പി.  ടിക്കറ്റും  20 ഡോളറിന്‍റെ  ടിക്കറ്റും ആണ് പ്രവേശനത്തിനായി  നിശ്ചയിച്ചിരിക്കുന്നത്.  ടിക്കറ്റ്കൗണ്ടർഫോയിൽ നിന്നും നറുക്കെടുപ്പ് നടത്തി  വിജയികളെ                 കണ്ടെത്തുന്നതാണ്. ഒന്നാം സമ്മാനം global ട്രാവൽസ് സ്പോൺസർ  ചെയ്യുന്ന  ഇന്ത്യയിലേക്കുള്ള റൗണ്ട് ട്രിപ്പ് വിമാനടിക്കറ്റ് ആണ്. ടിക്കറ്റുകൾ വാങ്ങിയും സ്പോൺസർ ചെയ്തും സഹകരിച്ച എല്ലാവരോടുമുള്ള നന്ദി സെക്രട്ടറി ഡോക്ടർ       ബിനു  ഷാജിമോൻ, ട്രഷറർ ഡോക്ടർ ആനി എബ്രഹാമും അറിയിച്ചു. ഇതിൽനിന്ന്  ലഭിക്കുന്ന തുക നാട്ടിലുള്ള അനാഥരെ സംരക്ഷിക്കുന്ന ഗിൽഗാൽ എന്ന സ്ഥാപനത്തിനും  ഒരു വിവാഹ സഹായ പദ്ധതിക്കുമായും വിനിയോഗിക്കുന്നതാണ്. എല്ലാ  മലയാളി സുഹൃത്തുക്കളും ഈ പ്രോഗ്രാമിൽ  വന്ന് സംബന്ധിച്ച്  ഇത് ഒരു വൻവിജയമാക്കി തീർക്കണമെന്ന്  അഭ്യര്‍ത്ഥിക്കുന്നുവെന്നും  ഏവരെയും റിഥമിക  23 ലേക്ക് സ്വാഗതം ചെയ്യുന്നുവെന്നും ഭാരവാഹികൾ അറിയിച്ചു.