വാഷിംഗ്ടണ്: ജന്മാവകാശ പൗരത്വ അവകാശങ്ങളെ പരിമിതപ്പെടുത്താനുള്ള പ്രസിഡന്റ് ഡൊണാള്ഡ് ട്രംപിന്റെ ശ്രമത്തിനെതിരെയുള്ള ജഡ്ജിമാരുടെ നീക്കത്തെ യു എസ് സുപ്രിം കോടതി പരിമിതപ്പെടുത്തി. ഈ നയം തടഞ്ഞ കീഴ്ക്കോടതികള് തങ്ങളുടെ ഉത്തരവുകളുടെ വ്യാപ്തി പുനഃപരിശോധിക്കണമെന്ന് സുപ്രിം കോടതി ഉത്തരവിട്ടു.
നയത്തിന്റെ നിയമസാധുത പരിശോധിക്കാതിരുന്ന കോടതിപ്രസിഡന്റ് ഡൊണാള്ഡ് ട്രംപിന്റെ നയം ഉടന് പ്രാബല്യത്തില് വരാന് അനുമതിയും നല്കിയിട്ടില്ല.
നയത്തെ ചോദ്യം ചെയ്യുന്ന കേസ് നടക്കുമ്പോള് മേരിലാന്ഡ്, മസാച്യുസെറ്റ്സ്, വാഷിംഗ്ടണ് സംസ്ഥാനങ്ങളിലെ ഫെഡറല് ജഡ്ജിമാര് പുറപ്പെടുവിച്ച മൂന്ന് രാജ്യവ്യാപകമായ ഇന്ജക്ഷന്കളുടെ വ്യാപ്തി ചുരുക്കാനുള്ള ട്രംപ് ഭരണകൂടത്തിന്റെ അഭ്യര്ഥന ജസ്റ്റിസുമാര് അംഗീകരിച്ചു. യാഥാസ്ഥിതിക ജസ്റ്റിസ് ആമി കോണി ബാരറ്റാണ് വിധി എഴുതിയത്.
വിധി കഴിഞ്ഞ് 30 ദിവസത്തിനുള്ളില് പ്രസിഡന്റ് ഡൊണാള്ഡ് ട്രംപിന്റെ എക്സിക്യൂട്ടീവ് ഉത്തരവ് പ്രാബല്യത്തില് വരില്ലെന്ന് വിധിയില് വ്യക്തമാക്കി.
കോടതി വിധി 6-3 എന്ന രീതിയിലാണ് അംഗീകരിച്ചതെങ്കിലും കോടതിയിലെ മറ്റ് രണ്ട് ലിബറല് അംഗങ്ങളും ചേര്ന്ന വിയോജിപ്പില് ജസ്റ്റിസ് സോണിയ സൊട്ടോമയോര് എഴുതിയത് പ്രസിഡന്റിന്റെ എക്സിക്യൂട്ടീവ് ഉത്തരവ് ഭരണഘടനാപരമാണോ എന്ന് ഭൂരിപക്ഷം അവഗണിക്കുന്നുവെന്നും പകരം ഫെഡറല് കോടതികള്ക്ക് സാര്വത്രിക നിരോധനാജ്ഞ പുറപ്പെടുവിക്കാന് തുല്യമായ അധികാരമുണ്ടോ എന്ന ചോദ്യത്തില് മാത്രം ശ്രദ്ധ കേന്ദ്രീകരിക്കുന്നുവെന്നുമാണ്.
സോഷ്യല് മീഡിയ പോസ്റ്റില് പ്രസിഡന്റ് ഡൊണാള്ഡ് ട്രംപ് വിധിയെ സ്വാഗതം ചെയ്തു. ‘യുണൈറ്റഡ് സ്റ്റേറ്റ്സ് സുപ്രിം കോടതിയിലെ വമ്പിച്ച വിജയം’ എന്നാണ് അദ്ദേഹം ട്രൂത്ത് സോഷ്യലില് എഴുതിയത്.
അധികാരത്തില് തിരിച്ചെത്തിയ ആദ്യ ദിവസം പ്രസിഡന്റ് ഡൊണാള്ഡ് ട്രംപ് ഫെഡറല് ഏജന്സികളോട് അമേരിക്കന് പൗരനോ നിയമപരമായ സ്ഥിര താമസക്കാരനോ ആയ ഒരു രക്ഷിതാവെങ്കിലും ഇല്ലാത്ത, അമേരിക്കയില് ജനിക്കുന്ന കുട്ടികളുടെ പൗരത്വം അംഗീകരിക്കാന് വിസമ്മതിക്കണമെന്ന് നിര്ദ്ദേശിക്കുന്ന എക്സിക്യൂട്ടീവ് ഓര്ഡറില് ഒപ്പുവച്ചു.
നിര്ദ്ദേശം പ്രാബല്യത്തിലാകുന്നതോടെ പ്രതിവര്ഷം 150,000-ത്തിലധികം നവജാത ശിശുക്കള്ക്ക് പൗരത്വം നിഷേധിക്കപ്പെടുമെന്ന് 22 സംസ്ഥാനങ്ങളിലെ ഡെമോക്രാറ്റിക് അറ്റോര്ണി ജനറലും കുടിയേറ്റ അവകാശ വക്താക്കളും ഗര്ഭിണികളായ കുടിയേറ്റക്കാരും ഉള്പ്പെട്ട വാദികള് പരാതിപ്പെട്ടിരുന്നു.
പ്രസിഡന്റ് ഡൊണാള്ഡ് ട്രംപിന്റെ എക്സിക്യൂട്ടീവ് ഉത്തരവ് ഭരണഘടനാ വിരുദ്ധമാണെന്ന് സോട്ടോമയോര് തന്റെ വിയോജനക്കുറിപ്പില് പറഞ്ഞു. മൂന്ന് ലിബറൽ ജസ്റ്റിസുമാർക്കുവേണ്ടി വിയോജിപ്പ് രേഖപ്പെടുത്തിക്കൊണ്ട് ജസ്റ്റിസ് സോണിയ സൊട്ടോമയർ ഈ തീരുമാനത്തെ “ഭരണഘടനയെ മറികടക്കാൻ സർക്കാരിനുള്ള ഒരു തുറന്ന ക്ഷണത്തിൽ കുറഞ്ഞതല്ല” എന്ന് വിശേഷിപ്പിച്ചു. കാരണം, ഒരു കീഴ്ക്കോടതി വെല്ലുവിളിക്കുകയും ഭരണഘടനാ വിരുദ്ധമാണെന്ന് കണ്ടെത്തുകയും ചെയ്യുമ്പോൾ പോലും ഭരണകൂടത്തിന് ഒരു നയം നടപ്പിലാക്കാൻ കഴിഞ്ഞേക്കും.”
അസ്വസ്ഥത ഉളവാക്കുന്നതാണെങ്കിലും വിധി പരിമിതമാണെന്നാണ് അമേരിക്കന് സിവില് ലിബര്ട്ടീസ് യൂണിയന് വിശേഷിപ്പിച്ചത്.
എക്സിക്യൂട്ടീവ് ഉത്തരവ് വ്യക്തമായി നിയമവിരുദ്ധവും ക്രൂരവുമാണെന്നും ഇത് ഒരിക്കലും ആര്ക്കും ബാധകമാക്കരുതെന്നും അമേരിക്കല് സിവില് ലിബര്ട്ടീസ് യൂണിയന് ഇമിഗ്രന്റ്സ് റൈറ്റ്സ് പ്രൊജക്ടിന്റെ ഡെപ്യൂട്ടി ഡയറക്ടര് കോഡി വോഫ്സി പറഞ്ഞു.
1861- 1865ലെ ആഭ്യന്തരയുദ്ധത്തിനുശേഷം 1868-ല് അമേരിക്കയില് അടിമത്തം അവസാനിപ്പിച്ച 14-ാം ഭേദഗതിയെ ട്രംപിന്റെ നിര്ദ്ദേശം ലംഘിച്ചുവെന്ന് വാദികള് വാദിച്ചു. 14-ാം ഭേദഗതിയുടെ പൗരത്വ വ്യവസ്ഥയില് ‘യുണൈറ്റഡ് സ്റ്റേറ്റ്സില് ജനിച്ചവരോ സ്വാഭാവികവല്ക്കരിക്കപ്പെട്ടവരോ അതിന്റെ അധികാരപരിധിക്ക് വിധേയരായവരോ എല്ലാവരും യുണൈറ്റഡ് സ്റ്റേറ്റ്സിലെയും അവര് താമസിക്കുന്ന സംസ്ഥാനത്തിലെയും പൗരന്മാരാണ്’ എന്ന് പറയുന്നു.
യുണൈറ്റഡ് സ്റ്റേറ്റ്സില് ജനിച്ച ഏതൊരാള്ക്കും പൗരത്വം നല്കുമെന്ന് വളരെക്കാലമായി കരുതപ്പെട്ടിരുന്ന 14-ാം ഭേദഗതി, നിയമവിരുദ്ധമായി രാജ്യത്ത് താമസിക്കുന്ന കുടിയേറ്റക്കാര്ക്കോ യൂണിവേഴ്സിറ്റി വിദ്യാര്ഥികളോ, വര്ക്ക് വിസയിലുള്ളവരോ പോലുള്ള നിയമാനുസൃതവും എന്നാല് താല്ക്കാലികവുമായ കുടിയേറ്റക്കാര്ക്കോ പോലും ബാധകമല്ലെന്ന് ഭരണകൂടം വാദിക്കുന്നു.
എക്സിക്യൂട്ടീവ് ഉത്തരവിനെതിരെ സിയാറ്റിലിലെ ഒരു ജഡ്ജി പുറപ്പെടുവിച്ച രാജ്യവ്യാപകമായ നിരോധനാജ്ഞ നേടിയെടുക്കാന് സഹായിച്ച വാഷിംഗ്ടണ് സ്റ്റേറ്റ് അറ്റോര്ണി ജനറല് നിക്ക് ബ്രൗണ് വെള്ളിയാഴ്ചത്തെ വിധി ‘പല തലങ്ങളിലും നിരാശാജനകമാണ്’ എന്ന് വിശേഷിപ്പിച്ചു, എന്നാല് കോടതികള് ‘വിശാലമായ നിരോധനാജ്ഞകള് പുറപ്പെടുവിക്കാമെന്ന് സ്ഥിരീകരിച്ചു’ എന്ന് ഊന്നിപ്പറഞ്ഞു.
ജൂണ് 11, 12 തിയ്യതികളില് നടന്ന റോയിട്ടേഴ്സ്/ ഇപ്സോസ് വോട്ടെടുപ്പില് പങ്കെടുത്തവരില് 24 ശതമാനം പേര് ജന്മാവകാശ പൗരത്വം അവസാനിപ്പിക്കുന്നതിനെ പിന്തുണച്ചപ്പോള് 52 ശതമാനം പേര് അതിനെ എതിര്ത്തു. ഡെമോക്രാറ്റുകളില് അഞ്ച് ശതമാനം മാത്രം ഇത് അവസാനിപ്പിക്കുന്നതിനെ പിന്തുണച്ചപ്പോള് 84 ശതമാനം പേര് എതിര്ത്തു. റിപ്പബ്ലിക്കന്മാരില് 43 ശതമാനം പേര് ഇത് അവസാനിപ്പിക്കുന്നതിനെ പിന്തുണച്ചപ്പോള് 24 ശതമാനം പേര് എതിര്ത്തു. ബാക്കിയുള്ളവര് തീര്ച്ചയില്ല. അല്ലെങ്കില് ചോദ്യത്തിന് മറുപടി നല്കില്ല എന്ന് പറഞ്ഞു.
ജനുവരിയില് പ്രസിഡന്റ് ട്രംപ് അധികാരത്തില് തിരിച്ചെത്തിയതിനുശേഷം 6-3 യാഥാസ്ഥിതിക ഭൂരിപക്ഷമുള്ള സുപ്രിം കോടതിഅദ്ദേഹത്തിന്റെ കുടിയേറ്റ നയങ്ങളില് ചില പ്രധാന വിജയങ്ങള് സമ്മാനിച്ചിരുന്നു.
A diverse group of people in a ceremony taking the United States Naturalization Oath of Allegiance to become citizens.
കുടിയേറ്റക്കാര് നേരിടേണ്ടിവരുന്ന പ്രയാസങ്ങള് ബോധ്യപ്പെടുത്താന് അവസരം നല്കാതെ അവരെ സ്വന്തം രാജ്യങ്ങളല്ലാത്ത മറ്റ് രാജ്യങ്ങളിലേക്ക് കുടിയേറ്റക്കാരെ നാടുകടത്തുന്നത് പുന:രാരംഭിക്കുന്നതിന് അദ്ദേഹത്തിന്റെ ഭരണകൂടത്തിന് വഴിയൊരുക്കി. മാനുഷിക കാരണങ്ങളാല് ലക്ഷക്കണക്കിന് കുടിയേറ്റക്കാര്ക്ക് സര്ക്കാര് മുമ്പ് നല്കിയിരുന്ന താത്ക്കാലിക നിയമപരമായ പദവി അവസാനിപ്പിക്കാന് ഭരണകൂടത്തെ അനുവദിച്ചു.എന്നാല് മെയ് 16ന് കോടതി 1798 പ്രകാരം വെനിസ്വേലന് കുടിയേറ്റക്കാരെ ട്രംപ് നാടുകടത്തുന്നതിനെ തടഞ്ഞു. യുദ്ധകാലത്ത് മാത്രം ഉപയോഗിച്ചിരുന്ന നിയമം, മതിയായ നടപടിക്രമങ്ങളില്ലാതെ നടപ്പാക്കാന് ശ്രമിച്ചതിന് ഭരണകൂടത്തെ വിമര്ശ്ശിക്കുകയും ചെയ്തു.
